Ra cittara zeneize 1636/Fasso ogni dì chiù fæti che Gianchinna
| ←torna a l'èndexo | Ra cittara zeneize de Amoî Servî |
Cento votte ro dì muoero, e renassio→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Fasso ogni dì chiù fæti che Gianchinna
Per vei se à ra fin fæta gh'è speransa
De muoeve à compassion, de rende mansa
Questa tigre superba de Zaninna.
Ra tegno intro bambaxo in pavarinna,
Ra prego, e l'unzo, me ghe buoetto in pansa,
Mà seben fesse chiù che Carlo in Fransa
Porto sempre à ro cuoe ra mesma spinna.
Che se ben de mirame à væ che porto
Ro sigillo dra morte in mì stampou;
Che no posso esse à chiù cattivo porto.
Con cuoe sempre chiù ingordo, e chiù abbrascou
Pa ch'à bramme de veime à drito, e à torto
Misso all'erboro secco, e affossinou.