Ra cittara zeneize 1636/Con Ghirlanda de ruoeze, e giasemin
| ←torna a l'èndexo | Ra cittara zeneize de Amoî Boscæsci |
De buschi in buschi Amó, de seze, in seze→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Con Ghirlanda de ruoeze, e giasemin,
E ro sen tutto pin de viorette
Zà l'Arba s'appuintava re scarpette
Per usci fuoera, e mettese à cammin.
Quando per dame à mi ro me latin,
E sciacca un poco à l'Arba re sciorette
A fronte sò Lichinna Amo fè mette
Per vei qua bello havæ chiù dro Divin.
Oh' che bello mira da man de læte,
Da pe de neive lì pe re Campagne
L'erba nuoeva, e re scioi tutte refæte.
Se ben nò così in tutto eran compagne,
Ch'unna reffava scioi, ch'eran zà fæte
L'atra re fava lì con re carcagne.