Ra cittara zeneize 1636/De buschi in buschi Amó, de seze, in seze

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Amoî Boscæsci

De villa in villa Amó, de valle in valle→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

De buschi in buschi Amo, de seze, in seze
Me menna, e ghia per tutta ra boscaggia
Reduto à esse come can chi arraggia
Chi n'attruoeva chiù terra chi ro reze

Ognun per goffo, e chi nò sacchie leze
Me leze scrita in fronte ra mæ raggia;
S’accorze ch'Amo dentro m'attenaggia,
Con vei come de fuoera o me confeze.

S'odo che tronne ò lampe in quarche ville
Ghe corro à vei s’à fuisse ra me hora
Vaggo incontra rà morte, e pa che brille

Visto che Amo me ten l'ægua à ra gora,
Cerco rà liggia, e me pa un'hora mille
De veira, e derruameghe lantora.