Ra cittara zeneize 1636/Chiarabella
| ←torna a l'èndexo | Ra cittara zeneize de Chiarabella |
Rondaninna→ |
| Zena, Gioxeppe Pavon, 1636 In corscivo e ligatue. |
Canzon Tersa.
1.
Chiarabella,
Luxernetta,
Lanternetta,
Stella picciena ma bella,
Chi te ghia
Fantasia
De passa cosi l'humó
O chiù tosto ro tò Amó?
2.
Quello raggio
De lumetto
Così netto
Ello lumme da viaggio,
O gioiello
Per anello;
Ella pria da ligá;
Ello fuoego, ò pu ò ro pá?
3.
Se l'è fuoego
Bordellinna
O no strinna?
Come fæto à trová luoego?
Ti verezzi?
Ti galezzi?
Ti te poæri d'esse in Ce
Con l'Inferno de derre?
4.
Bella sorte,
Bià tie,
Cosi mie
Mì ch'Amó me da ra morte
Mì ch'un forno
Noette, e giorno
In mæ vitta hò da patí
Ni ne spero moæ d'uscí.
5.
Figatella,
Ferma, aspissa
Unna stissa
A ra tò ra me faxella,
Perche a luxe,
Ma nò bruxe
A ra crua chi hà tanta sæ
Dro me fuoego, e no ro cræ.