Ra cittara zeneize 1636/Che Ballin se se mira ra sò schiatta
| ←torna a l'èndexo | Ra cittara zeneize de Amoî Mainæschi |
Doppo havei tutta nuoette tempestou→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Che Ballin se se mira ra sò schiatta
Maxinna se pescou de bassaman,
Chi per vive travaggie com'un Can,
Schiavo de quattro parmi de fregatta.
Ogniun ro sà; le mæsmo à chi ne tratta,
Ro confessa con di, povero, e san:
Se dichiæra per homo da caban,
Chi n'haggie manco Sa pe ra pignatta.
Mà che così giammin come Dè voe,
O nò se fesse arvi come ri anchioe,
Per date in pugno l’annima, e ro cuoe.
Mà che Ballin, Maxinna, no te coe;
No t'haggie à caro chiù che ri oeggi suoe
Mà che Ballin nò t'amme, ò questo noe.