Ra cittara zeneize 1636/Caro ben, vitta Cara, ah' sarà moæ

Da Wikivivàgna
Ra cittara zeneize de Gian Giacomo Cavallo
Amoî Boscæsci
Zena, Gioxeppe Pavon, 1636
In corscivo e ligatue. Gh'amanca i acenti aguççi.


[p. 76 modifica]

Caro ben, vitta Cara, ah' sarà moæ
Che posse confessa senza martuoerio
Che ti è bella, e pietoza, e che me groerio
D'havei per tì sofferto tanti moæ?

D'haveime infin levou questa coæ,
Doppo un si longo, e duro purgatuoerio,
De gove senza meta de reluoerio
Ro Cè dre tuoe bellesse sempremoæ?

Che quelle vive Stelle, onde ro Sò
Sperde, e s'oscura posse com'in spegio
Gove felisemente in Cè d'Amo?

Così drent'unna grotta un dì à ra megio
S'inzegnava de di Lichin Pasto;
Amo respose. Allò ti saræ vegio.