Ra cittara zeneize 1636/Pin de mille speranse Amó me ghia
| ←torna a l'èndexo | Ra cittara zeneize de Amoî Mainæschi |
Ra megio lesca, che moæ fesse Dé→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Pin de mille speranse Amo me ghia
De scoeggio in scoeggio in questa secca e in quella
Ricco de questa povera canella
Chiù che de quasevoeggie Monarchia.
Con ra fossina in man com'un'arpia
Staggo re nuoette intreghe in sentinella
Pù sempre Amo me batte, e me martella;
Dra mæ Maxinna ò me demanda, e spia.
Pa che à puinto ò me parle in questa menna:
E che sarà Ballin dro tò pesca
Quando ben tì pescassi rà Balenna?
Se in questi scoeggi, onde tì fæ sata
A son de fossinæ ri pesci in frenna
Chiù che lo tì te senti affossina?