Ra cittara zeneize 1636/Ballin che feto? Onde te perdi tue?
| ←torna a l'èndexo | Ra cittara zeneize de Amoî Mainæschi |
Che Ballin se se mira ra sò schiatta→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Ballin che feto? Onde te perdi tue?
Zuoemoæ metti bandera de rescatto;
Tì è in cattiv'ægue, troevate recatto;
Maxinna è d'atri; nò ghe sta chiù sciue.
Quelle fassuin sì belle, e sì sernue,
Onde tì favi in tì tanto sciaratto;
Onde ti te spegiavi com'un matto,
A ro Mondo per tì nò ghe son chiue.
Cose à ro longo anda sarà de tì,
S'oura chi de pensaghe in sciù duoi pe
Ti n’è chiù tanta ciera per trei dì?
Ballin, buoetta à pe cazi ro meste;
Se ra giustitia s'hà da fa così
Vagge[sic] tutto ro Mondo à contracæ.