Ra cittara zeneize 1636/Ancuoe compisce l'anno, che trovei

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Amoî Boscæsci

Oh' chiù luxente assæ che ra me sappa→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

Ancuoe compisce l'anno, che trovei
Ra me bella Lichinna in questo prou.
Me l'ho sempre à memoeria conservou
Che mì mesmo lantora me perdei.

Apuinto in questo luoego ra mirei;
Chì da ri oeggi suoe restei ligao:
Chì restei in le mæsma trasformou;
Che sò per ta segna che ghe baxei.

In questo mesmo lago, onde me spegio
Vì ro me bello So dentro spegiase,
E fase l'un all'atro e So, e spegio.

Oh' giorno memorabile da fase
Chiù noevo in mì quanto sarò chiù vegio
Oh' giorno da nò moæ addesmentegase.