Ra cittara zeneize 1636/A son de tromba tutta ra Cittæ

Ra cittara zeneize de Gian Giacomo Cavallo
Amoî Çivî

Zena, Gioxeppe Pavon, 1636
In corscivo e ligatue. Gh'amanca i acenti aguççi.

A son de tromba tutta ra Cittæ
Dixe che in Ce s’è visto ra Cometa;
Tutto ro Mondo prica che s'aspeta
Quarche grosso castigo de pecchæ.

Minetta, quanto à mi ne temmo assæ,
No voeggie De che in questo sæ profeta,
Ma troppo oura se væ passa ra meta
A ro Mondo ra poca Caritæ.

Che per parla mi mesmo dro me buoe,
Che de mì vuoi fassæ tanti maxelli,
Con che raxon poeì faro, e con che cuoe?

Minetta, se me drissan ri cavelli,
Ve parrà strannio che compoeran fuoe
Dapoescia re Comete, e ri fragelli?