Ra Gerusalemme deliverâ/A ra presente traduzion

by Torquato Tasso

←Prefaçion

Ra Gerusalemme deliverâ de Torquato Tasso A ra presente traduzion

Avvertimenti→

A RA PRESENTE TRADUZION
Sonetto dro Sig. Françesco de Ferræ P. A.

QUando con ra Divisa de Portoria
Comparirà Gofredo in Elicoña ,
Bello veì Messé Appolline in perfoña
          Incontrâro, e re Muse fâ bardoria.
De piaxeì ro Fogetta andâne in groria,
          Ro Cavallo offerìghe ra coroña ,
          Ro Giujan chi va in ære, e chi raxoña
          De Pré, dro Mœu, dra Cœulla, e de Valloria.
Nè solo ri Zeneixi, ma i Toschen,
          E ri Poeti d’ogni âtro paeise
          Fâghe berretta, e battighe dre moen.
Ma ciù dri atri ro gran Ferrareise,
          In veìro così ricco d’ogni ben
          Desiderâ d’ésse nasciûo Zeneize.