Pubblicandose re bellissime poesie dro Signor Agostin Spiñora

Da Wikivivàgna
Sata a-a navegassion Sata a-a serchia
Pubblicandose re bellissime poesie dro Signor Agostin Spiñora
de Steva de Franchi
da Poesie del signor Agostino Spinola, 1764
[p. 15 modifica]
Pubblicandose re bellissime Poesie

DRO SIGNOR AGOSTIN SPIÑORA
Nobile Patrizio Zeneize, dito fra ri Arcadi
Almaspe

SONETTO.

Apollo in ro Parnasso ha stabilîo,
Che Almaspe vive a tutta eternitæ:
E re sò dotte rimme sen levæ
Da man dro neigro, e tenebroso oblîo.

Anzi con un decretto assæ compîo
O vœu, che da re Muse registræ
Sæan in re cose rære, e ciù stimæ
Ch'agge l'Archivio sò ro mæsmo Dio.

E Zena?... E Zena pensa a Cristofin,
Che a ra bella Paoletta o dà ra man
De Sposaò, dri Durazzi illustre, e fin

Zermoggio: e che da questi nasceran
Eroi degni d'istoria senza fin,
Che ri sò degni Poæri immiteran.

DE STEVA DE FRANCHI
Dito fra ri Arcadi Micrilbo Termopilatide.