Propoxiçioin a-o Conseggio di Ançien/Propoxiçion contra i Saoneixi 1440

Da Wikivivàgna
Sata a-a navegassion Sata a-a serchia
Propoxiçioin a-o Conseggio di Ançien
Contra i Saoneixi, 6 ago. 1440
Zena, Arch. de Stato, Diversorum, Reg. 26, c. 269 (ed. da Ghigermo Salvi, "Galeotto I del Carretto", 1937 - www.storiapatriagenova.it)

Intervento do cançelê:

[p. 243 modifica]« Segnoi voi havei a intende bem e conseiar bem la materia la qual ve se reciterà. Li excessi e li dezordeni de li Saoneisi inver de questa communitae parem esser sì noti a cascum che sereiva perdicium de tempo voreiri aora arregordar. Questo se po’ dir in summa per vera conclusium che non pareiva che elli pensassem in altro ch’a in quelle cose chi fossem destrucium de questa citae. Persochè a lor non bastava navegar e non voler pagar li driti debiti, anti sofferivam e incitavam le nacioin forestere a far lo simile. Sì che a Saonna concorreivam Lombardi, Mofferim, Venetiain, Firentim, Catalaim e quasi de ogni altra nation chi naveghe como movui e incitae a far che quella terra fosse refugio de cascum a la destrucion nostra. Ni in questo regoardavam pati ni conventioin ni De ni boni costumi. [p. 244 modifica]Anci per unna minima utilitae che quella citae receveiva eram contenti de la destrucion nostra. Le quae cose vegando lo illustre meser lo Duxe e consegi et officij chi eram, tentàm cum ogni arte et inzegno de remediar a questa malotia cum lo bem e cum remedij dolci se se poeiva. Fem spesa volta lamenta de queste iniurie, mandam ambassaoi a Saonna, fem che li Saoneixi mandàm ambaxoi a Zenoa. Demum questa malotia non solamenti non se remediava, anti ogni iorno cresseiva e pezorava. Ni da lor non se haveiva se non parole. E vegnando a strinzer la coxa se vegne a tanto che a li Saoneixi se offerse grande parte de franchixe e altri avantagi chi a lor erano de grande parte de utilitae e a noi de grande mancamento de honor e grande dano de le gabel­le e compere. E tanta è staeta sempre la lor ceghitae e ostination che como pu se ge proferiva, pu duri restavam in la lor prava intencion. Or vegando questo lo illustre meser lo Duxe e li altri consegi e officij intendando chiaramenti la distrucion de le cabelle e de li loghi e demum de tuta la citae, si elezèm quatro notabili et avantagiosi citain per officiali in questa materia Saoneise a li quae fo daeta tuta la bailia che ha lo Comum de Zenoa. Li quae possa che elli avem experimentao che la duresa e ostinacion de li Saoneixi non se poiva conduer a alcuna cosa raxoneive, pensàm che per necessitae se convegniva venir a la forsa. E, ben che in lor inseme cum lo illustre meser lo Duxe fosse ogni ba[i]lia como è dito, pur, perchè la cosa era monto grande e monto ponde­rosa, convocàm secretamenti alcuim citaim de quelli a chi pareiva che la citae tocasse pu. E ben examinà questa materia fo obtegnuo che in ogni modo se ge provisse. Le quae convocatioim de citaim elli lantora avereivam faete paleisementi se senza perigho se fossem possue far. Ma perchè la secretansa era summamenti necessaria e divulgar la cosa aduxeiva extremi perighi, se conduce le cose sotte grandissimo silentio. E se sum faete le provisioin che voi avei visto. E per la gratia et misericordia de De lo exito è staeto pro­spero et è reiusio como se cercava. Aora che sensa perigho le cose se pom pale[i]sementi consegiar, voi sei demandae cocì per conseiar e provei quello chi resta a far. Quella citae si è in le mani vostre e sì se po’ disponne como meio parrà, per che voi sei demandae cocì per aregordar e conseiar quelli remedij e provisioim le quae seam sode e segure per voi e per i vostri figi e per chi insirà de lor, e per provei ben in tuta questa materia ».