Sâta a-o contegnûo

Poexie zeneixi do Feliçe Santi/per onomastico

Da Wikivivàgna
Poexie zeneixi de Feliçe Santi
Al D.r Ardoino Cav. Vincenzo per onomastico
Zena, Derelitti, 1940
transcriçion diplomattica (no l'é dito che-a grafia a no segge quella do curatô de st'ediçion postuma, ciutosto che quella de l'aotô)


[p. 20 modifica]
AL D.r ARDOINO CAV. VINCENZO
PER ONOMASTICO


Mëgo, ghe mando ûn fiöre
Ben pöco conosciûo,
Che drento a-o chêu de l’ommo
A stento o le nasciûo.

Anzi, se dîxe finn-a
Che n’è scentôu a semenza
De questo raro fiôre
Dîto a RICONOSCENZA.

Ghe-o lîgo con l’Aûgurio
De mi e da mæ famiggia,
Parlâ lasciando o chêu
Con l’estro che me piggia!

Zêna, 19 luglio 1931