Sâta a-o contegnûo

Poexie zeneixi do Feliçe Santi/Comme d’ötôbre

Da Wikivivàgna
Poexie zeneixi de Feliçe Santi
Comme d’ötôbre...


[p. 29 modifica]
COMME D’OTOBRE...


Comme quande, d’Otôbre, cazze e fêugge,
Che scroscian, s’arrigoelan, scappan via
Arrobatæ da-o vento ch’o l’inghêugge,

Per mi — pövôu meschin — vëgne ûn momento
Che tûtte e illûxioin, creæ dä fantaxia,
Se-e pörta apprêuvo ûnn-a boffà de vento.

Ma a l’ærbo no gh’importa se anchêu neja,
Nè se vëgne d’o vento ch’o despêugge....
E sêu fêugge gh’ê rende a Primaveja.

Invece — quande arriva o disinganno —
Mi, son bello che andæto e bonn-a seja!
E mæ illuxioin no tornan ciû, ûn’atr’anno!