Piaggio M. - Poesie 1846/Varietæ/Sûnetti/A Torta Pasqualinn-a

by Giulio Bosco

←Riçetta pe fâ i Raviêu

Sûnetti de Giulio Bosco A Torta Pasqualinn-a

E Lasagne→

(ediçion Pagan - 1846)
Za pubricâ into Ciaravalle zeneize do 1833.
Inta segonda ediçion de "Poexie" do 1864, 'na notta a sto sunetto a dixe ch'o no l'è do Piaggio, ma de 'n Giulio Bosco so "degniscimo imitatô".

A TORTA PASQUALINN-A

Sûnetto.

Beneita mille votte, e beneixïa
E benedetta quella magnettinn-a,
Chi sa fâ unn-a Tortetta pasqualinn-a,
E ve a presenta cäda, e brustolïa;

Beneito sæ quell’êuggio chi l’ammïa,
E quell’odô ch’a manda da vixinn-a,
L’erbetta, o cuccon fresco de pollinn-a
E quella prescinsêua chi scappa via;

Beneita seggie a meìzoa cö cannello,
O siäso, e a faænn-a chi se lascia stâ,^[1]
E l’êujo chi ven zù comme un spiscioello;

Beneito seggie o forno cö fornâ;
O testo, o tondo, a ciûmma cö cottello,
E quella bocca chi ne pêu mangiâ.

1. "tiâ" inta verscion do 1833