Piaggio M. - Poesie 1846/Varietæ/O bon Conseggio
| ←Træto d'amicizia indigesto | Poexie de O bon Conseggio |
L'Equivoco→ |
| (ediçion Pagan - 1846) |
Un cattivo Poeta voeiva
Fâ stampâ un sò eterno Poema,
Che in quattr’anni fæto aveiva
Sorve d’ûn insûlso Tema;
O portò a fâ ripassâ
Da ûn so bravo e sccetto amigo,
O quæ dætaghe ûnn’êuggiâ
O capì, ch’o no vä ûn figo.
Doppo ûn meize, o ghe tornò,
E o ghe disse, se o l’hà letto
Tûtto ben?.... comme ö trovò?
Ma che o parle sccetto e netto:
O to Poema o l’è assæ bello
(O rispose francamente)
Meno ûn çerto difettello
Da levâghe façilmente....
Cose o l’è?.... 'o l’è lunghettin,
Ti ne pêu brûxâ a meitæ,
Cacciâ l'atra in to cammin....
O restante ti ö stampiæ.