Piaggio M. - Poesie 1846/Varietæ/Meschin chi se gh'intoppa
| ←Botta e Risposta | Poexie de Meschin chi se gh'intoppa |
L'importûn→ |
| (ediçion Pagan - 1846) |
Doppo dæta unn-a grande battaggia,
Sangoinosa, ostinâ a ciù no dî
Che i sordatti con impeto, e raggia,
Un con l’atro se voeivan finî,
E i cannoin con fâ fêugo a metraggia,
E cavalli, e sordatti fèn moî,
Restò ûn campo chi fava spavento
Pin de sangue, de morti, e lamento;
Con vint’ommi, ûn coêu dûo de Sargente
C[’]o l’andò a levâ i morti, e brûxâli,
O piggiava zù a reo indifferente
Morti, e Fej, che criavan d’ammiâli,
Semmo vivi... caitæ... povea gente,
(Dissan tûtti,) campiàn con mëgali.
Se a-o so dïto, o rispose: creddeì
Manco ûn morto ghe saiva, accûggeì.