Piaggio M. - Poesie 1846/Esopo Zeneize/Sûnetto de dedica

by Martin Piaggio

←Prefazion

Esopo Zeneize de Martin Piaggio Sûnetto de dedica

Introdûzion — A Veitæ e a Föa→

Sûnetto de Dedica.

Pappæ , Mammæ de Zena, e ciù ûn caroggio,
E Voî che a primma cûa eì di Figgiêu,
Ve dedico, gradîlo de bon coêu
Questo mæ Esopo, voeivo dî strofoggio.

Sento zà battaggiâ campann-e a doggio
Da-i Critici!... che o critiche chi vêu,
Che mi no vendo troffie pe raviêu,
Nè spaccio per cannella do fenoggio.

Ho misso insemme, senza pretenscion,
Da bon Poæ de famiggia, e bon Cristian,
Çent’ûnn-a Föa, ve-e daggo comme son;

Fæle imprende a-i Figgiêu, che diventiän
Obbedienti, stûdiosi, e d’ûn coêu bon,
Senza ciù spaventâli cö BARBAN.