 |
Questa pagina a l'è stæta corretta. | |
L’autra sea cossì ’nt’ o tardi
Dui foresti i l’aspetavo
Mentre me a ziandonavo
Ente ’r viale Garibardi;
E i me feno: Ussià sia o sa
Se o trambai i è ’nzà passà?
« Sto trambai - a gh’ho risposto -
I è de quei che mai ne passa,
I è de quei de n’autra rassa,
Privativa de ’sto posto! »
- Eh na mussa? » - « Sì ’n veità,
Pe ’sta carne batezà! »
Pea belessa de trei ani
I han tià ’n lünga a ’ssidentae,
Monta e china sü pee scae,
Cen de fi, dei diai, malani,
Che davanti e de ’ndaré
Sempre i eo damèzo ai pé.
I han cacià de ’n sima ’n fondo
Alanaia i pavimenti,
Encì tüto d’assidenti,
Roto e cuge a mezo ’r mondo,
Rovinando i marciapé
Anca donde ne ghe n’è.
