 |
Questa pagina a l'è stæta corretta. | |
XXIII.
Et imponunt ci plectentes spineam coronam.
S. Marco, xv, 17.
Per fala curta, ’r popolo ir piè,
E i comensò a cargalo de legnà;
I ghe misso dee sughe ae man e ai pe’,
Ligandolo aa colona de na ca.
Poi en Giudeo ’nte a testa i ghe metè
Na corona de bochi arevogià,
E un davanti, e n’autro dadarè
I comensono a pialo a stafilà.
E quando i fu reduto, a capiè ben,
En stato da fae propio compassion,
Da no rezese ciù ’nte ’r fi dee ren,
I o desligheno, e i te ghe misso ’n spala
Na cruze tanto grossa, ch’i n’ea bon,
Se ne gh’ea o Cireneo, manco a portala.
