 |
Questa pagina a no l'è stæta corretta. | |
1
De sà da Capuanna
con sto pappiè in man
duoi di saran doman
che son partia
2
Per dà à Vossignoia
serte poche querelle
si ben son bonne, e belle
e me raxoin
3
Hieri duoi mascarzuin
me fen un brutto tio
che me verguegno à dio
per che son Figgia
4
Derrè un se m'asbiggia
em m'erze e fadette
e l'altro se me mette
drito davanti
5
M'attornian sti forfanti
con dì: semmo appostuoeì
e vorremmo un poco veì
che robba eì sotta
6
Ghe diggo: l'ho chi motta
de gratia no tocchemmo
per che se ne virremmo
da o Capitannio
7
Non ve poere de strannio
se l'ho sì rebellà
per chè me l'ha squarzà
quelli Treituoì
