 |
Questa pagina a no l'è stæta corretta. | |
144
Haveiva unna cadenna
tutta d'oro smaltà
se o non me l'havesse impegnà
a ra Cazanna
145
E l'atra settemanna
se mi non era lesta
o m'impegnava questa
ch'ho à ro collo
146
E si o fa dro galant'hommo
che chi parla con liè
o tratta sò moggiè
da unna Reginna
147
E assì son a ciù tapinna
chi se posse trovà
ch'ho me manda à lavà
finna i drappi
148
Farrò dri desbaratti
se o non cangia conprexion
che o resteà un mincion
con i feti miè
149
Orsù restè con Diè
che me ne vuoeggio andà
che non posso ciù stà
in raxonamento
150
E stè con o cuoè contento
saccieve mantegnì
che da puoè non porreì dì
mi no l'orreiva
151
Ve daggo a bonna seia
addio che ve lascio
addio o miè cuoè
o miè barascio.
