 |
Questa pagina a no l'è stæta corretta. | |
36
In tanto Nicheroso a liè tirando
De tutta quella lanna unna gran mazza
Pareiva ch'o s'andasse rebellando
Ra caza approevo, come ra lumazza
Ro riso in lò, ra raggia in liè crescendo
O se lanza de furia, e inanti passa
Tracche, d'intro strepà quello fangotto
Fa un sette a ri casoin de giamelotto
37
Così mentre che lì ro meschinazzo
Pensa schivà Cariddi, e montà in Silla
Non se poè crè ro loro, ro schiamazzo
Chi moè de rie, chi sigora, chi strilla
Per ascondese in fin ro poverazzo
Se storzeiva chì, e lì com'un anghilla
Grattandose cosi, zointo a ro verde
Onde se gratta, chi ra lite perde
