 |
Questa pagina a no l'è stæta corretta. | |
34
Mentre quell'atro canta lì cuxio
Re Dmme satan foè con un resato
Un Ratto, un Ratto, òu moere de Dio
A voì, a voì da basso, a voì de dato
Por'Andria furibondo, e intimorio
Piggia doi stroesci in cangio de fà un sato
Quello per mincionaro o stà sciù in piè
E se rebella un strapointin derrè
35
Mentre batteiva a Por'Andria ro coe
Ch'o no saveiva se l'è morto, ò vivo
Angerinetta con un pointeiroè
Ghe dava sciù ro pointo ro mottivo
Quello criava con un batticoe
Sentendose attastà ro sensitivo
E tutti ghe dixeivan se l'è matto
Stimando, che o criasse pre o Ratto
