 |
Questa pagina a no l'è stæta corretta. | |
Ma ste cose besuoegna sopportare,
Perchè da puoe durum est calcitrare.
Ma lascieme fá a mi,
Tanto bordigherò de chì, de li,
Che se non m'è contraria ra fortunna,
Me pens'in somma de trovavene unna;
D'in tre tanto a ra megio vuoi farei;
Goveive comme puoei quella ch'havei.
Lustrissima Patronna,
Ra sciorta forfantonna
M'impedisce a vegní
A gove sta mattin dri suoe favoi;
Perchè l'è de mesté
Our'oura sciù doi pé,
Che trotte con mé penna
A pesá oerio li a S. Pé d'arenna.
Da puoe comm'ho finio, che no sò quando,
Che vegne a Zena puoe per un commando,
Ch'heri mattin m'ha feto da ra parte,
Se no me cangieran in man re carte.
E za che ro diascora
Per mé mala desgratia,
Comme vei, me perseguita,
Per fame vei cierissimo,
Che ra fortunna è solita,
Comme dixe Cornelio,
