Pagina:Ricci176.djvu/313

Da Wikivivàgna
Sâta a-a navegaçión Sâta a-a çèrchia
Ra peste


1
Fré, nuoi semm'in tra peste fin a i oeggi,
Sté pu lontan se puoei, sté pu a Pariggi
E inzenoggioù preghé San Dioniggi
Chi n'aggiutte a scappá da tant'imbruoeggi.

2
Mi no ve staggo a dí chì, che Pandora
Haggie versoù ro vaso in tra Zitté
Perchè vorendo dí ra verité
No me pá ben de mes[c]ciaghe ra fora.

3
E ra Musa in sto caxo oura ne canta,
Misericordia, a cria in ata voxe
E a s'accompagna a pé d'unna gran croxe
Con re tenebre ch'han dra zuoeggia santa.

4
Se vissi ra Zitté chì in sto tormento,
Diressi ben che Zena n'è ciù Zena,
Oura ch'ogn'un se purga senza scena,
Piggiando per meixinna ro spavento.

5
A ri zinque de luggio la in Seretto
Morì unna vegia ch'haveiva dro má,
Subito morta ra fen sotterrá
Ma a lascià fuoera ro má dro loetto.

6
L'era dri anni assé, che questa stria
A l'haveiva un gran cancao d'in tre l'osso,
Eccate ch'uria buria va a bordosso
Do'atre Donne che l'haven servia.