 |
Questa pagina a no l'è stæta corretta. | |
E de cose v'ho dito oeggio pregave;
Ch'oggié de mi fiave;
Perchè con ló n'han verité nisciunna,
Ma son boxie de sette lire l'unna.
Lustrissima patronna cose favo?
Renego ro Diavo.
L'è tosto quarant'anni, e cinque meisi,
Ch'haggiando abbandonoù questi paeisi,
Vûoi ve lascié tentá da ro demonio.
Attendend'a spartí ro matrimonio.
E pu mi sò benissimo,
Che ra Signora Gioanna, e ro Lustrissimo,
Comme a doe Tortorelle se conven,
Tra ló se vuoeran tanto tanto ben,
Così fra ló no stan,
Per fá conosce a quarche bell'humó,
Ch'in fin ro bon amó
Sa stá ciù unio, quando l'è ciù lontan.
Ma però Giurian,
Dixe ch'in concrusion,
Sta separation
In sciù ra feta fin ghe dà de viegio,
Mentre che lié ogni seira usand'andá
Con tante suoé patronne chì a veggiá,
O ghe pá che ghe manche in fin ra miegio.
