 |
Questa pagina a no l'è stæta corretta. | |
L'ava a ra ruoesa intorno,
Fuoera pe ro contorno,
Diggando contemprandov'in sta sció
Ciù doce ro licó,
E speggiandos'in vuoi re ruoese tenere
Pa che sentan re spinne li de Venere.
Per tutto ri Grilletti
Se ven fá sgambietti,
Mentre quarch'un de ló de sciù ra tanna
Intonna ra pavanna,
E in canti, e balli, con un doce axillo
Pá che ri grilli ancuoe haggian ro Grillo.
Za veggo uscí per forza
Temporia d'in tra scorza,
Erzendo ri suoe mantesi con l'ara
Lenguosa ra cigara,
Sciù l'organo cantando tutta cuôe,
Sig.ra s[c]ciuoeppe pu chi má me vuoé.
Chì gh[']è ro parpaggion,
Chi scorre in mattion,
E li ra porselletta se scommuoeve
Nontia dre bonne nuoeve,
Mentr'unna luxe insolita l'inganna
Ch'in questo ri vostr'oeggi son ra manna.
Anzi re cerabelle,
Fassando tombarelle,
