 |
Questa pagina a no l'è stæta corretta. | |
Non attrovasse quello, a chi o va deto,
Ch'o poesse in ra sò absentia,
Non ro veggando, comme diggo lié,
Mettero in man in cangio a sò moggié,
Ò se no d'in tra porta in tra fieûa,[sic]
Overo in tro pertuso dra ciaveura.
E, se d'ottegní questo n'è possibile,
Daro in man a sò fré chi è reperibile;
Onde per sò m'arrecommando a vuôi,
Chi fa un servixo presto, a vá per doi.
Lustrissimo Patron
Hour'oura mé moggié
Me manda sto garzon
Con ro nostro papié
In ro qua mi me sento interpellá
Se ra casa pe i atri e accaparrá
Perchè queste signore vegnireivan
A Sant'Oberto e gratia me fareivan
De ciù me dan da intende
Che basta che ra tora ghe destende
E mi presto respondo
Che non solo dra cà
Ma sempre quello poco ch'ho a ro mondo:
Per ló tutto ro mié pronto sarà
E non solo ra tora
Ra giancaria mi destenderò
