 |
Questa pagina a no l'è stæta corretta. | |
E in tá conformité
Heri per favorí comme se fa
Un poco sta Poetica licenza,
Ri doi eccellentissimi de cà
Han buttoù con so gusto ra sentenza;
Hour'in giusta apparenza
Se quelli doi signori se contendan;
E per giusta raxon gusto ne sentan,
Per intraghe con gusto ancora mie
Posso offerighe a ló mé fré mi assie:
Ma vuoi direi cosie,
Ch'in fin ri nostri fré de tutti trei
Idoei non ve puoeran za parei,
Mentre che zà savei,
Che puo dá breiga in questa segurté
Ra posteriorité,
Che per fá, ch'a no vuoere unna pateca
Han za obrigoù ro sò sub hippoteca.
Caro Signó Armerigo,
Za che m'havei trattoù sempre da amigo,
Mandando sciù doi pé
A posta sta mattin questo corré,
Ve prego d'un favó così diggando,
Che venardì ve lascei li un commando
Per impetrá licentia
Quande ro messo in feto
