 |
Questa pagina a no l'è stæta corretta. | |
Ven avanti ä gran Cazassa
Pe ô Quartè chi de Portoja
A gran banda de Savoja.
Ven appresso un gran Confaon
Un portôu chi é un veo campion.
Se ho da dï cose me pâ
No se poiva immaginâ
Cosa ciù de bello gusto,
Se s'ammia a bella pittua
Chi battieiva quexi a pua
Ae ciù belle de Raffaello
Tanto o comparisce bello:
Azzunzeighe poi quell’asta
Pinna d’öu; .... ma pe aoa basta.
Aoa cose ven avanti
Pastorali ch’en Giganti.
Arrichiscan[sic] solo lô
A Cazassa du maggiô
In te l'öu ghe son zittè
No se fa de ciù in veitè
Cose veddo o vista bella
Un figgiæu[sic] chi pâ unna stella;
O l[']è o bello Giacomin
Chi é assetou in sciun cavallin
Chi costiâ miggiæa de Luiggi
