 |
Questa pagina a no l'è stæta corretta. | |
Basta dï che sciorte u Möu
Pe buttà via un tesöu:
In te tutto se va a sguazzo
Ne ao risparmio chi s’ammia
Sci da mutta, che da lia,
Chi ghe guägna o sciorbiettè
Chi ghe guägna o perruchê
Chi ghe guägna o candeâ.
E ghe guaägna ciù o Speziâ
Chi ghe guägna i Caeghæ
Infin tutti i butteghæ
A Scignoa a se fa a rôbetta
O Zuenotto a marscinetta
Pe fä onô ä bella Cazassa:
Cose serve infin numeâ
Tutte e speise che se fa
Se ve voese dive tutto
V’assegûo che nô porriè
Tante cose sbardellè......
Ma ammiè là che mentre mi
A demuâ ve tegno chi
Za me sento intonâ ai oege
Chi da gente ciù vexinna.
Che a Cazassa a s’avixinna.
Dunque stemmo tutti a vedde
Quello che nisciun se credde.
