 |
Questa pagina a no l'è stæta corretta. | |
— Cun stu libbru. — E u mariunettu u tiò sciü d’in tæra u Trattatu de Aritmetica, rilegòu in cartun e cartiña, pe mustrâlu o-u carabinê.
— E questu libbru de chi u l’é?
— U l’é u mæ.
— Basta cuscì: n’ôcûre atru. Tiite sübbitu sciü e vegni via cun niatri.
.jpg)
— Ma mi...
— Via cun niatri!
— Ma mi sun innuçente...
— Via cun niatri! —
Primma de partî, i carabinê ciammòn di pescuei, che inte quellu mumentu passavan cu-a sö barca giüstu a-a randa da ciazza e ghe dissan:
— V’affidemmu questu figgiö inciagòu inta testa. Purtælu a caza vostra e dæghe ascistença. Duman turniemu a veddilu. —
Quindi turnòn o-u Pinocchiu e doppu aveiselu missu intu mezu, gh’intimòn de ‘n tun surdatescu:
