 |
Questa pagina a no l'è stæta corretta. | |
Clot. E d'ûnn-a figgia no se ne deve manco zûgâne ä balla. Cose sciâ vêu che fasse? Mæ pappà ö no se ne mesccia, no g'ho ciù de mammà che a posse fâme stradda, e se lascio che fassan i âtri finiö pe restâ fantinn-a comme mæ lalla.
Pip. So lalla a se maja!
Clot. E se a se maja lê che a l'é tosto vegia, no me doviö majâ mi che son zovena?
Pip. Son tûtte bonn-e raxoin, ma pe aoa no servan.
Clot. Ghe veddiemo... intanto primma vêuggio parlâ a-o sciô Manuello e poi sö quello che devo fâ.
Pip. Ma sciâ Clotilde cäa, sciâ no raxonn-a, e mi no permettiö mai ciù che sciâ fasse ûnn-a miccia.
Clot. vosciâ sciâ no ghe deve intrâ nè punto nè poco... ghe devo pensâ mi...
Pip. Ma noscignora, voscià sciâ n'ha de giûdizio... e mi no posso permette.
Gio. Sciô Pippo... gh'é zù ûn che ö çerca... ö l'é stæto in casa so... e l'han mandôu chì.
Pip. Cose ö vêu?
Gio. Ö g'ha da dâ ûnn-a lettera.
