 |
Questa pagina a no l'è stæta corretta. | |
Sta risposta presuntuosa
A fè rie finn-a o Moscin,
Ch’o lasciò a Mosca affannosa,
E o l’andò per so cammin.
A l'è assæ comûne usanza,
De stimmâse a-o di d’anchêu
Personaggio d’importanza
Da chi è Mosca, e non è Bêu.
In t’ûn paize lazzù do Levante,
Dove in testa se porta o tûrbante,
Gh’ëa ûn Turco ciammôu Akmon,
Bello assæ, ma de testa mincion;
Sempre all’ozio i so giorni o passava,
O mangiava, o beveiva, o pippava,
O dormiva, o l’andava in giandon,
Che Pappà o mantegniva a petton.
Morto o Poæ Merts-kakà o no lasciò
Che ben pochi dinæ in t’ûn bûrò;
Da-o desgûsto ghe vîgne ûnn-a collica,
Ch’o doveiva pensâ pe-a buccolica,
Che a cöcagna a l’ëa presto finïa,
O giastemma, o s’arranca a sciscïa;
E pensando de nêutte e de giorno,
Comm’o poeiva un pö dâse d’attorno,
