 |
Questa pagina a no l'è stæta corretta. | |
DE SAN STEVA
DE GIULIO ROMANO
Ritornôu da Pariggi
Sûnetto.
Sûnnæ campann-e, gente camminæ,
Portoglien fæ i lûmmetti pe-o Quartê,
Fæghe röso, inchinæve, o l’è chi Lê
O Martire trionfante de sasciæ;
Quello Quaddro levôu da-e nostre Artæ
Delizia di Zeneixi, e di Foestê
O torna da Pariggi prexonê,
Ommi, donne, figgiêu, corrî, ciocchæ;
Beneita, e beneixïa quella Nazion,
E a man do nostro Re che l’han libeôu
Per mandâlo de badda a so patron;
Mi no so se deggie ëse ciù lödôu
O questa generosa eroica azion,
O o gran Giulio Roman chi l’ha pittuôu.
