 |
Questa pagina a no l'è stæta corretta. | |
Ne-a sò veggia brillantiscima,
D’Ommi, e Donne abbondantiscima,
De Narcisi spaximanti,
E de Veneri galanti,
Doppo aveì secondo o solito
Dito i cæti da Çittæ,
Vegne a mëzo (caxo insolito)
O discorso in sce l’etæ;
A Sciä Netta a l’assegûò
De n’aveì trent’anni ancon,
Ma sò figgio a se scordò
Chi partì ne-a coscrizion;
Vintisei disse a Sciä Giggia,
Ma n’aveiva ciù sò figgia;
Un de meno a Sciä Gioanetta,
Ma a perdeiva a perrûcchetta,
A Sciä Comba madonnava
Che i trent’eûtto a no passava,
A Sciä Giûlia desdentâ
Che ciûveiva in to parlâ,
Ghe scappò ma con piaxeì,
Ch’a n’aveiva trentetreì,
E de tante che ghe n’ëa
A ciù vegia a confessò
D’ammortâ appenn-a primëa;
Chi chinz’anni s’ammermò,
Chi quattorze, e chi dixêutto,
A ciù sccetta poi soli êutto;
Ghe restava a ciù puponn-a,
A Sciä Lilla, cioè a Patronn-a,
Doppo fætase pregâ,
E ciù rossa diventâ,
