Pagina:Piaggio Poexie zeneize 1846.djvu/842

Da Wikivivàgna
L'ETÆ DE DONNE


Passa i anni comme o vento,
Se ven vëgi in t’ûn momento,
Mi n’ho tosto quarant’ûn
Perchè ogni anno ne cresce ûn,
Cösa che capî no vêu
Çerte Donne a-o dì d’anchêu
Che fan sempre da Figgette,
E han ciù rûghe che e fädette;

A propoxito d’etæ,
(Parlo a voî Donne assennæ)
Vêuggio dîve ûnn’istorietta,
Chi è sûccessa giorni son
A Mammà da Sciä Pimpetta,
In ta sò conversazion,
Donna che a fâghe piaxeì
Çinquant’anni a deve aveì,
Ma che a forza de belletto,
D’inciastrâse de rossetto,
E d’andâ sempre attillâ
Per Puponn-a a vêu passâ;