 |
Questa pagina a no l'è stæta corretta. | |
Promettendoghe a Sigaa
D’insegnâghe ben cantâ,
E o Grillin ballâ de sbalso
Per distinguise, e figûâ.
A moæ de Ave ghe rispose:
Ve ringrazio, amixi, tanto,
Ma n’importa, che e mæ figgie
Saccian ben o ballo, e o canto;
Mi me premme d’insegnâghe
Quello bello e bon mestê
D’ëse docili e inzegnose,
Fâ da seja, e dell’amê:
Con quest’arte in tûtti i tempi
No ghe pêu mancâ de pan,
Nè a piccâ, come voî atri,
Da nisciûn ä porta andiän.
FOA XXV.
Un giorno ûnn-a Lûmassa
Pötronn-a e mâ inclinâ,
A disse: E cose serve
Che stagghe a travaggiâ?
L’è megio no fâ ninte,
Per vive m’inzegniö,
Andiö a röbâ pe-o mondo,
Segûa, che ghe riûsciö,
