 |
Questa pagina a no l'è stæta corretta. | |
Quello prima ö minaccia... poi picca
Legnæ da orbi tra müro, e tra collo,
Ch’o fa sangue, ma l’Aze ghe slicca
Casci abbrettio, e va zù a rompicollo
In ta villa scrollando e bacchæ,
Che pâ manco ch’o e aggie piggiæ:
Intrôu drento o fracassa, o subissa
Da per tûtto co-e sampe ond’o passa,
E co-i denti o l’arranca, e menissa
L’ ûga, e o fen con a biava o pestassa
E çercando o ciù bello, e o ciù bon
Pâ, ch’o digghe: son mi chì o patron
Sazio e moscio o s’accuega in sce l’erba
E reverso o se mette a ragnâ
A-i compagni con aja sûperba,
Che cujosi o stavan a mïâ:
Imparæ, Potronassi, da mi,
Se fa sorte a sto mondo coscì.
FOA XXIV.
Un Grilletto e ûnn-a Sigaa
De Zenâ da-e Ave andòn
Affammæ, e morti da-o freido,
Letto, e töa ghe domandòn;
