 |
Questa pagina a no l'è stæta corretta. | |
NE-O VAPÔ.
O l’è o diao chi m’ha tentôu,
D’andâ torna in sciö Vapô!
Quello viaggio m’ho scordôu
Quando sorve Rimazzô
Pe-a burrasca ciù ûnn-a stissa
G’ho quintôu lasciâ a pellissa!...
Oh che viaggio mascarson!
Quelli lampi veddo ancon;
E strisciâ me sento addosso
Quella sæta spartilosso
Chi m’ha fæto andâ in te stelle,
Cazze zù senza parpelle
Sotterrôu drento do fen
Con Monsù C’est bon-très-bien.
Figgi cäi cose ho da dî
Çerta smania ho de viaggiâ
E per tëra, e all’aja, e in mâ,
Che nisciûn me pêu tegnî;
E quest’anno, a di a veitæ,
No saveivo dove andâ,
