 |
Questa pagina a no l'è stæta corretta. | |
Segretto per fâ e Cabale
Trovôu in t’ûn Tontilio
Da Moæ da Ninfa Egeria
Ne-a grotta de Pompilio.
In primmo lêugo imbindite
Comme Cupido, e Recipe
Un Mortâ gianco d’Ebano,
Co-a Peixe ben nettezzalo,
Con l’æguaforte sciûghilo,
E con do Visco liscialo;
Recipe ûn gran fascicolo
De sciôette de Scixærboa,
Un fêuggio de Bettonica,
E un tomo d’Assafettida
Giascia ben tûtto, e pectilo;
Recipe ûn gran de Sûccao,
Mezo gottin d’Arsenico,
Læte de Vegia ûn scrupolo
Sangue de Stria quattr’amoe;
Recipe mezo dramma
De Figgiêu sciacchæ a mamma,
Denti de Cagna vidoa,
Nasi de Vorpe Vergine,
Sampe de Gallo celibe,
E Gatti verdi ad libitum.
