Pagina:Piaggio Poexie zeneize 1846.djvu/556

Da Wikivivàgna

Andæ avanti cö Piccin...
Lì gh’è a Porta... intræ... montæ...
Spunciæ ûn pö... Din din — din din...

Zizzoa?... Eccola... Træ Urzæ —
Comme?... languide o in sciurbetto?...
Due giassæ, e piccola bibbita...
Ho mangiôu... chi pe-o Gardetto?...
E ghe e vaddo a sbatte sûbito...

Duî beschêutti do Lagasso
Freschi.... Cadi, yes!... Carlin,
Vegni che te piggie in brasso...

Ohiboibò!.... l’assuefæ mâ...
Assettælo in sciö scambello...

Isa... Bravo!... Bello... Boâ!...
Doman t’accattiö o scigoëlo...

Ma lasciæme ûn pö respiâ,
O Discorso seguitiemo
Da chi a ûn pö quando sciortiemo
E parliemo da Çittæ...
Ecco chi Lagasso e Urzæ.






FIN DE PREFAZIOÎN E REVISTE.