 |
Questa pagina a no l'è stæta corretta. | |
I Cuniggi, e l[']e montôu
L’Ægua quæxi ai Terzi Cien...
Ommi, Donne e Figgiêu ûrlavan
Meschinetti! comme chen,
Criando: «Aggiûtto!...» s’avanzavan
Da-e Terrasse e da-i Barcoin...
Sbraggi, Centi, Despeazioin;
Paiva o giorno do Giûdizio,
Da ogni parte ûn preçipizio,
Oh che orrô?... Per bonn-a sorte
Tûtt’assemme va là e Porte,
Sbocca l'ægua, e in te mez’öa
A vâ in mâ... ahimè! respion
S’abbrasson e se baxon,
Per n’aveì ciù a morte ä göa.
E quell’atro Coraggioso
Chi s’è tanto arrezzegôu
Per stappâ ûn pûrgo tappôu
E o restò in to fango appuso...
Ben che o so, me l'han contâ...
Se no Ta in tocchi a Ferrâ,
De segûo ghe lascia a Vitta!...
Atro che a Banchi a Garitta
Co-e Cioccate... O fû trovôu
Ben vixin, fra i mauxi, a ûn schêuggio,
Che ciù un pö o passa per êuggio,
E per miäcoo l’han salvôu...
Un gran voto o pêu portâ;
Ma do resto, Sciô Compâ,
Quanti Danni e che Rovinn-e
Fè quell’Ægua dilûviâ
A-i Betoanti, a-e Besagninn-e
