 |
Questa pagina a no l'è stæta corretta. | |
Chi va con di compagni
Cattivi, o mâ inclinæ,
De savio, e de bonn’indole
O ven cattivo assæ.
FOA XVI.
Un bello Gatto gianco veo d’Angòla,
Amoroso e paccion,
Pin de frasche e caezon,
Chi stava sempre in scöso da Padronn-a,
O sorve ûnn-a pötronn-a,
Moscio, perchè o mangiava
De cose delichæ,
Beschêuttin, e zunchæ,
Coscicchè a-i Ratti a guæra ciù o no fava;
E i Ratti conoscendo a perfezion
Quello Gatto per moscio, e per pötron,
Senza nisciûnn-a puïa passeggiavan
Pe-a casa, e cose voeivan roziggiavan.
L’Angöla ûn giorno doppo aveì mangiôu
Ciù do solito o se n’andò a dormî
Solo in despensa, e ghe restò serrôu;
No ghe tardò a vegnî
Di belli Ratti a roziggiâ o prezûtto,
Formaggio, carne, pan, e ûn pö de tûtto;
E vedendo l'Angöla lì arëlôu,
Che quæxi o no respïa,
