 |
Questa pagina a no l'è stæta corretta. | |
*
Finalmente o l’è vegnûo
Quello tale Anno temûo,
Che l’è tanto ch’o s’aspëta
Cö regallo da Cometa
E co-i docûmenti pronti
Pe aggiûstâne a tûtti i conti! ...
Comme passa o tempo fito!
Son tant’anni che l’ho dito,
E per bacco! o l’è chi lê!
Fæghe röso, ïsæve in pê,
Riçeveilo con manëa,
Miæ de fâghe da gran cëa,
Che mi tûtto me sprofondo
All’anno ûltimo do mondo!
Ben vegnûo, o mâ vegnûo
Trenteduî, mi te salûo;
Ti no poeivi differî
Anc’ûn secolo a vegni?...
Per caitæ torna in derrê
E fa o gïo di Sette Çê
