 |
Questa pagina a no l'è stæta corretta. | |
*
Comme passa i anni presto!...
O Vintêutto o l’è zà lesto!...
Quattro buggi ch’o l’ha dæto,
Presto in fûmme o se n’è andæto
Per dâ posto a-o Vintinêuve,
Ch’o l’è chi con bonn-e nêuve:
Scialla !... spranghimele sûbito.
Paxe a-o mondo ûniversale:
Bella cosa, ma ne dûbito.
Abbondanza generale:
Bonn-a cosa, ne godiemo.
Guägni larghi, sbardellæ,
Pe-i Mercanti e pe-i Sensæ:
O bezêugno o gh’è, veddiemo.
Véndia in tûtte e mercanzie,
Finn-a e droghe in te sganzie
E bell’arti ha da sfogâse,
E i talenti da sfasciâse,
E bûtteghe s’ingrandiän
E i mestê se raffiniän
