Pagina:Piaggio Poexie zeneize 1846.djvu/252

Da Wikivivàgna

234


4
Coscì appunto l’è arrivôu
Lazzù a Trippoli a-o sciô Beì,
Che in ta testa o s’ëa ficcôu
De dettâ, e voeì cose voeì,
Con rompî i patti che gh’ëa
Per scorrî a nostra Bandëa:

5
Ma sapûo sto træto indegno
Da-o bon nostro Re , o restò...
Per so onô e per ben do Regno
A ûnn-a squaddra o l’ordinò
D’andâ in Trippoli a insegnâ
A manëa de ben trattâ.

6
L’ordinanza appenn-a avûa
L’Ammiraglio Dexenê,
Pin de zelo e de premûa
Allestisce in scë duî pê
O Commercio co-a Cristinn-a,
O Tritton e a Nereidinn-a.[1]

7
Partìn presto a quella votta
Questi legni ben armæ,
Destacchæ dä Regia Flotta,
Da-i trasporti seguitæ:
Comandava a Spedizion
Scigoi d’ûn figaeto bon.

8
Tûtti i Uffiziali gioiscian
D’ëse scelti a tanto onô;
I Mainæ s’insûperbiscian,
L’è o Sordatto pin d’ardô;
Tïa bon vento, e in poppa van
A çercâ o liddo affrican.

  1. La squadriglia era composta del vascello raso il Commercio di Genova, comandato dal Cav. Sivori; della fregata la Cristina, comandata dai Cav. Serra; della corvetta il Tritone, comandato dal Cav. Zicavo, e del Brik la Nereide, comandalo dal Cav. Villarey.