 |
Questa pagina a no l'è stæta corretta. | |
Catenella.
O terzo Çentanâ festoso ò trotta
Do santo giorno ò nostra câa Reginna
Quando ne-a Sacra Valle a noî vixinna
Seî comparsa in personna a ò Beato Botta;
Zà che a ò demonio allora hei dæto votta,
E Iddio fermoû de fâ de noî rovinna ,
A a Vostra Onnipotente Man Divinna
Da vitta abbandonemmo e buscioa e scotta;
E comme heî benedio træ votte ò Rian
Nostra amabile Moæe de teneressa,
Scampæne dò peccôu dal'oragan,
Tanto che a l'ora fosca da tristessa
Vegnimmo benedii de vostra man
Là donde seî l'etærna contentessa.
